Bakı-Qazax yolunda ağır yol-nəqliyyat hadisəsi baş verib. Lent.az-ın Fövqəladə Hallar Nazirliyinin saytına istinadən verdiyi məlumata görə, Yevlax rayon Aran qəsəbəsində Bakı-Qazax yolunun 304-cü kilometrliyində “Volkswagen” və “VAZ” markalı iki minik avtomobili toqquşub. Nəticədə, “VAZ” markalı avtomobilin sürücüsü və sərnişini hadisə yerində ölüb, 4 nəfər sərnişini, o cümlədən, 1 nəfər azyaşlı xəsarət alıb və xəstəxanaya aparılıb.
Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə cəsədləri deformasiyaya uğramış avtomobildən çıxarıb və aidiyyəti üzrə təhvil verib. Əməliyyat saat 06:15-də başa çatıb.
Hadisə ilə əlaqədar müvafiq qurumlar tərəfindən araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
