İmişli rayonunda yerləşən şəkər zavodunda faciəvi hadisə baş verib. Rayon Polis Şöbəsindən Lent.az-a verilən məlumata görə, 1965-ci il təvəllüdlü Cəbiyev Azər Sabir oğlu və 1977-ci ildə anadan olmuş Məmmədov Namiq Sabir oğlu zavod ərazisindəki kanalizasiya quyusuna düşüblər. Nəticədə onlar ağır bədən xəsarətləri alıblar və hadisə yerindəcə keçiniblər.
Faktla əlaqədar rayon prokurorluğunda cinayət işi başlanılıb. Araşdırmalar davam etdirilir.