Sosial şəbəkələrdə Azərbaycan ordusunun hərbçisinin əsgərlərə işgəncə verməsi faktını əks etdirən foto yayılıb. Lent.az-ın məlumatına görə, hərbi hissələrdən birində taborda məxfi hissə rəisi kimi xidmət etdiyini bildirən və özünü Ülvi Namazlı kimi təqdim edən hərbçi əsgərləri soyundurub və onların kürəklərinə “GƏNCƏ” sözünü yazıb.
Əsgərlərin kürəklərinə diş pastası (yaxud hansısa başqa vasitə ilə) ilə yazılmış sözlə şəkil çəkdirən hərbçi daha sonra fotonu sosial şəbəkələrdə paylaşıb. Hərbçinin hərəkəti insanlarda narazılığa səbəb olub, şəbəkələrdə bununla bağlı müzakirələr aparılır.
Müdafiə Nazirliyindən Lent.az-a bildirilib ki, məsələyə gün ərzində münasibət bildiriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
