Maşını yolun kənarındakı “Ford”a vurdu, öldü

Gədəbəydə ölümlə nəticələnən yol qəzası baş verib. Lent.az Daxili İşlər Nazirliyinin mətbuat xidmətinə istinadən xəbər verir ki, oktyabrın 23-də saat 23 radələrində Gədəbəy rayonunun Qurudərə kəndi ərazisində rayon sakini Mehdi Cəfərov idarə etdiyi “VAZ-21099” markalı avtomobili yolun kənarında dayanan, kənd sakini Valeh Xıdırova məxsus “Ford” markalı avtomobilə vurub.

Nəticədə xəstəxanaya yerləşdirilən M.Cəfərov oktyabrın 24-də orada ölüb.

Faktla bağlı araşdırma aparılır.