Astaradakı keçid məntəqəsindən İrana buraxmırlar

Aprelin 30-da Astara Gömrük Keçid Məntəqəsindən İrana getmək istəyən Azərbaycan vətəndaşları geri qaytarılıb.

Lent.az-ın məlumatına görə, bu barədə «AzadlıqRadiosu»na sərhəddən geri qaytarılanlardan biri, Astara rayon sakini Qurbanəli Əliyev məlumat verib.

Onun dediyinə görə, İran gömrükçüləri sərhədin 3 gün bağlı olacağını bildiriblər.

Qonşu ölkədən Azərbaycana gələnlərlə bağlı isə heç bir problem yoxdur.

Mənbə bildirib ki, hər gün Astara Gömrük-Keçid Məntəqəsindən İrana 400-450 nəfər adam keçir. Onların arasında xırda ticarətlə məşğul olanlar üstünlük təşkil edir.

Astara Gömrük - Keçid Məntəqəsindən məlumatı təsdiqləyib və bunun İran tərəfinin həyata keçirdiyi profilaktik tədbirlərlə bağlı olduğunu deyiblər.