Dövlət Gömrük Komitəsi əməkdaşları tərəfindən soyuq silahın ölkəmizə keçirilməsinin qarşısı alınıb. Lent.az-ın komitənin saytına istinadən məlumatına görə, Doha-Bakı aviareysi ilə Heydər Əliyev Beynəlxalq Hava Limanına daxil olan Azərbaycan vətəndaşı Ramiz Hüseynovun baqajına gömrük baxışı zamanı ov bıçaqları qeydə alınıb.
R.Hüseynovun baqajına rentgen aparatı vasitəsi ilə baxış keçirilərkən monitorda bıçaq təsvirləri əks olunub. Hava Nəqliyyatında Baş Gömrük İdarəsinin əməkdaşları baqaja təkrar baxış keçirib. Nəticədə ona məxsus çamadandan gömrük nəzarətinə təqdim edilməyən 2 ədəd bıçaq aşkar olunub.
Ədliyyə Nazirliyi Məhkəmə Ekspertizası Mərkəzinin arayışına əsasən, 2 ədəd bıçaq zavod üsulu ilə istehsal edilib, bir tərəfi kəsici, ucu deşici xassəyə malik olan, ümumi təyinatlı ov bıçaqlarıdır, soyuq silah hesab edilir və istifadəyə yararlıdır.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
