Ağır qəzaya düşən şəxs 16 gün yaşadı

Xaçmazda ağır qəzaya düşən şəxs 16 gün sonra vəfat edib. Lent.az Daxili İşlər Nazirliyinin mətbuat xidmətinə istinadən xəbər verir ki, avqustun 2-də Xaçmaz rayonunun Müqtədir qəsəbəsində rayon sakini Zamir Səfərovun və Quba rayon sakini Namiq Manafovun idarə etdikləri “VAZ” və Bakı şəhər sakini Adil Qəhrəmanovun idarə etdiyi “Mercedes” markalı avtomobillər toqquşub. Nəticədə N.Manafov və Z.Səfərovun sərnişini xəstəxanaya yerləşdirilib. N.Manafov avqustun 18-də xəstəxanada ölüb.

Araşdırma aparılır.