Bakıda evdə meyit tapıldı

Yasamalda 71 yaşlı kişi ölüb. Lent.az-ın Fövqəladə Hallar Nazirliyinin saytına istinadən məlumatına görə, Yasamal rayonunda 1943-cü il təvəllüdlü Yusif Ələkbər oğlu Babayev mənzildə bağlı qapı arxasında köməksiz vəziyyətdə qalıb. Dərhal FHN-in müvafiq xilasetmə qüvvələri hadisə yerinə cəlb olunub. Məlum olub ki, həmin şəxs giriş qapısının dəfələrlə döyülməsinə və telefon zənglərinə reaksiya vermir. Xilasedicilər beşmərtəbəli yaşayış binasının 4-cü mərtəbəsində yerləşən mənzilə qonşu mənzilin eyvanından keçərək daxil olunub. Mənzilə baxış keçirilərkən Y. Babayevin cəsədi aşkar edilərək, aidiyyatı üzrə təhvil verilib.