<b>Sabiq MTN polkovnikinin işi prokurorluğa qaytarıldı</b>
19 iyul 2018 15:45 (UTC +04:00)

Sabiq MTN polkovnikinin işi prokurorluğa qaytarıldı

Dələduzluqda təqsirləndirilən Tofiq Rəcəbovun cinayət işi üzrə məhkəmənin hazırlıq iclası davam edib. Lent.az-ın məlumatına görə, Bakı Ağır Cinayətlər Məhkəməsində hakim Novruz Kərimovun sədrliyi ilə keçirilən prosesdə vəkil çıxış edərək ibtidai istintaq dövründə müdafiə etdiyi müvəkkilinə qarşı kobud qanun pozuntular olduğunu deyib: “Bu səbəbdən işin ibtidai istintaqa qaytarılmasını tələb edirik.

 

Məhkəmə vəsatəti təmin edib və cinayət işi prokurorluğa qaytarılıb.

 

İttiham aktına əsasən, T.Rəcəbov Bakı şəhər sakini Taleh Həsənovun 124 min manat pulunu ələ keçirməkdə ittiham olunur. O, həmin pul qarşılığında T.Həsənovun torpaq sahəsini sənədləşdirmə vədini verib. Lakin sonradan vədinə əməl etməyib.

 

T.Rəcəbov qızıl biznesi ilə məşğul olub.

 

Onun barəsində Cinayət Məcəlləsinin 178.3.2-ci (külli miqdarda dələduzluq törətmək) maddəsi ilə ittiham elan edilib.

 

İş adamı T.Rəcəbov daha əvvəl ləğv edilmiş Milli Təhlükəsizlik Nazirliyinin (MTN) əməkdaşları tərəfindən saxlanılıb və hədə-qorxu və təzyiqlərə məruz qalıb.

T.Rəcəbov MTN Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun cinayət işində zərərçəkmiş şəxs qismində tanınıb.

 

Xatırladaq ki, T.Rəcəbov xüsusi xidmət orqanının ehtiyatda olan polkovnikidir. T.Rəcəbov ali təhsillidir, 1998-ci ildən 2002-ci ilə qədər ləğv edilmiş Milli Təhlükəsizlil Nazirliyinin əməkdaşı olub.

 

1 2 3 4 5 İDMAN XƏBƏRLƏRİ
# 331
avatar

Səlcuq Elçin

Oxşar yazılar