“Anamı və qardaşımı öldürəndən sonra evdən qaçdım” - MƏHKƏMƏ
30 sentyabr 2013 18:35 (UTC +04:00)

“Anamı və qardaşımı öldürəndən sonra evdən qaçdım” - MƏHKƏMƏ

...Həmin gün Oleq evə gəlib anasından və qardaşından araq almaq üçün pul istəsə də onlar pul olmadığını deyirlər və onu evdən qovmaq istəyirlər. Bu da sonda bir ailənin dəhşətli facisənə səbəb olur...

 

Qanlı hadisə bu il fevral ayının 13-də baş verib. Həmin gün axşam Oleq Abişev  Pirallahı qəsəbəsində yerləşən evlərinə gəlir. Mənzilin yataq otağında çarpayıda uzanmış anası Lidiyadan və otaqda olan qardaşı Yuriydən spirtli içki almaq üçün pul istəyir. Lakin onlar pul verməkdən imtina edərək evdən çıxıb getməsini tələb edirlər. Sonra qardaşı Yuriy dəhlizə keçir. O da qardaşı Yuriynin arxasınca dəhlizə keçərək yenidən  pul istəyir. Lakin Yuriy yenə də pul verməkdən imtina edir. Bu zaman onların arasında dava düşür. Oleq  yataq otağında olan anasının yalvarışlarına baxmayaraq qardaşını döyərək öldürür. Daha sonra çarpayının üzərində uzanmış, yaşlı və xəstə anası Lidiyanı döyərək öldürür və pul tapmaq məqsədilə evdə axtarış aparır. Qonaq otağında dolabın siyirməsindən 9 manat pul, mənzildə olan və ümumi dəyəri 2 manat, 50 qəpik təşkil edən  1 ədəd üzqırxan, 1 ədəd böyüdücü şüşə, 2 ədəd cib bıçağı, 1 ədəd kitab, 1 ədəd qadın dırnaq lakı və 1 ədəd dəftəri özü ilə götürərək quldurluq edir. Mənzilin dəhlizində olan qardaşı Yuriyin meyitini yataq otağına aparıb anası Lidiyanın meyiti olduğu çarpayının üstünə uzadaraq hadisə yerindən qaçır.

 

 

Mənzildən ana və oğulun meyiti tapılır

 

Bu hadisənin üstündən bir aya yaxın vaxt keçdikdən sonra qonşuluqda yaşayan Kifayət Abbasova tərəfindən Lidiya və Yuriyin meyiti məznildə aşkar olunur və polisə xəbər verilir. Belə ki, ilkin istintaq zamanı ifadə verən Kifayət Abbasova bildirib ki, Oleq, Yuriy və Lidiyanın qonşusu olub: “Oleqin qardaşı və anası ilə münasibətləri pis olub, tez-tez onların dava – dalaş səslərini eşidirdik. Oleq dəfələrlə anasını döyüb. Martın 12-də Lidiyanın evindən pis iy gəldiyini hiss etdim. Lidiyanın qoca xəstə olduğunu, Yuriyinin isə vərəm xəstəliyindən əziyyət çəkdiyi üçün onlarla hər hansı bir hadisənin baş verdiyindən narahat oldum. Mənzilinin qapısını bir neçə dəfə döydüm. Lakin qapını açan olmadı. Bundan sonra qapını daha da bərk vuranda qapı açıldı. Həmin iy daha da kəskin hiss olundu. Onların adlarını hündür səslə çağırdım. Lakin çağırışlara cavab verən olmadı. İçəri daxil olanda hər ikisinin meyitini gördüm və pollisə xəbər verdim” .

 

Bundan sonra hadisə yerinə hüquq-mühafizə xidmətinin əöməkdşaları gəlirlər. Araşdırma zamanı Oleq şübhəli şəxs qismində istintaqa cəlb edilir.

 

“Anamı və qardaşımı döyərək öldürdüm”

 

İstintaq zamanı Oleq ifadə verərək, özünü təqsirli bildiyini, anasını və qardaşını öldürdüyün etiraf edir: “1984-cü ildən 1991-ci ilə qədər Rusiya Federasiyasında yaşamışam. Nataşa adlı qadınla evli olmuşam. Həmin nikahdan iki qız övladımız olub. Lakin 1987-ci ildə boşanmışam. Qızlarım hazırda Russiya Federasiyyasının Moskva şəhərində yaşayırlar, onlarla hər hansı bir əlaqəm yoxdur. 1991-ci ildə Bakı şəhərinə köçəndən sonra Pirallahi qəsəbəsi, 29-cu məhəllə, ev 15, mənzil 60 ünvanında qardaşım Yuriy, anam Lidiya və atam Surxayla birlikdə yaşamışam. 2008-ci ildə atam Surxay öləndən sonra qardaşım və anam ilə münasibətim pisləşib. Aramızda ədavət olub. Belə ki, anam Lidiya Yuriyi məndən çox istəyib. Mən həmişə alkoqollu içkilər qəbul etmişəm. Buna görə də anam və qardaşım məni tənqid ediblər. Bir neçə dəfə məni Məştağa qəsəbəsində yerləşən psixiatrik xəstəxanaya yerləşdirərək həmişəlik orada saxlamaq özlərindən uzaqlaşdırmaq istəyiblər. Ona görə də mən həmin mənzildə yaşamamışam. “Albalılıq” yaşayış sahəsində yerləşən ayrı-ayrı şəxslərə məxsus həyət evlərində fəhlə işləyərək həmin evlərdə və küçədə yaşamışam. Lakin mütəmadi olaraq Pirallahi qəsəbəsinə anamın və qardaşımın yanına gedib spirtli içki almaq üçün pul istəmişəm. Onlar da hər dəfə ora gedəndə mənə pul verməkdən imtina edib, mübahisə edərək evdən qovublar. Həmin gün də evə  getdim. Evdə anamın xəstə olduğu üçün yataq otağında taxta çarpayıda uzandığını gördüm. Həmin otağa keçərək anamdan pul istədim. Bu zaman anam pul verməkdən imtina etdi, söyüb və evdən getməyimi istədi. Buna görə də həmin vaxt otaqda olan qardaşımdan pul istədim. Lakin o da pul verməkdən imtina elədi. Bu zaman qardaşımla aramızda  dava düşdü. Nəticədə qardaşımı döyərək öldürdüm. Həmin vaxt anam mənə yalvararaq qardaşımı döyməməyi xahiş edirdi. Lakin mən anama fikir verməyərək qardaşımı öldürdüm. Daha sonra isə anamı döyərək öldürdüm. Sonra pul tapmaq məqsədilə evdə axtarış apardım. Qonaq otağında dolabın siyirməsindən 9 manat pul, mənzildə olan üzqırxan, böyüdücü şüşə, 2 ədəd cib bıçağı, 1 ədəd kitab, 1 ədəd qadın dırnaq lakı və 1 ədəd dəftəri özüm  ilə götürdüm. Mənzildən çıxarkən dəhlizdə olan qardaşım Yuriyin meyitini yataq otağına aparıb anam Lidiyanın meyiti olduğu çarpayının üstünə uzadaraq hadisə yerindən qaçdım”.

 

 

Sakit! Məhkəmə gedir!

 

Cinayət işinin ibtidai istintaqı yekunlaşdıqdan sonra iş baxılmaq üçün Bakı Ağır Cinayətlər Məhkəməsinə göndərilib. Hazırda məhkəmədə cinayət işi üzrə proses davam etdirilir. Məhkəmədə ifadə verən O. Abişev isə ibtidai istintaq zamanı verdiyi ifadəni dəyişdiriərək, anasını və qardaşını öldürmədiyini, ümumiyyətlə onların ölümündən xəbəri olmadığını deyib.

 

Qeyd: Yazı cinayət işinin ittiham aktı əsasında hazırlanıb.

# 2387
avatar

Şəhriyar Əlizadə

Oxşar yazılar

Salyanda maşın piyadanı vurub öldürdü

Salyanda maşın piyadanı vurub öldürdü

27 may 2024 , 00:46
Azərbaycanlıların yaşadığı 15 kəndlə əlaqə kəsidi

Azərbaycanlıların yaşadığı 15 kəndlə əlaqə kəsidi

26 may 2024 , 18:52
Kür məcradan çıxır

Kür məcradan çıxır

26 may 2024 , 16:21
Astaraya qonaq gedən əcnəbi kürəkən  öldü

Astaraya qonaq gedən əcnəbi kürəkən öldü

26 may 2024 , 14:06
Qazaxda çay daşdı - YENİLƏNİB

Qazaxda çay daşdı - YENİLƏNİB

26 may 2024 , 12:53
Siyəzəndə 45 yaşlı kişi  özünü güllələdi

Siyəzəndə 45 yaşlı kişi özünü güllələdi

26 may 2024 , 11:43
Bakıda yaşayış binasında YANĞIN

Bakıda yaşayış binasında YANĞIN

26 may 2024 , 10:13
Nardarandakı bu çimərliklə bağlı  QƏRAR

Nardarandakı bu çimərliklə bağlı QƏRAR

25 may 2024 , 22:57