Soyğunçuya 6 il 9 ay həbs

Bu gün Bakı Ağır Cinayətlər Məhkəməsində soyğunçuluqda təqsirləndirilən Tahir Ağayevin cinayət işi üzrə məhkəmə prosesi başa çatıb.

Lent.az-ın məlumatına görə, keçirilən prosesdə hökm oxunub. Hakimlər kollegiyasının hökmü ilə T. Ağayev 6 il 9 ay müddətinə azadlıqdan məhrum edilib.

Qeyd edək ki, T.Ağayev ötən il oktyabrın 19-da soyğunçuluq yolu ilə Nabat Xalıqovanın 100 manatını və məişət əşyasını, bu il yanvarın 7-də isə Nəsimi rayonu ərazisində Bakı şəhər sakini Ələviyyə Qurbanovaya zor tətbiq edərək 50 manat və 100 ABŞ dollarını, habelə mobil telefonunu və sənədini almaqda təqsirləndirilir.