Bu gün Bakı Ağır Cinayətlər Məhkəməsində qəsdən insan sağlamlığına ziyan vurmaqda təqsirli bilinən Bakı şəhər sakini, 1991-ci il təvəllüdlü Rəhim İbrahimovun cinayət işi üzrə məhkəmə prosesi başa çatıb. Lent.az-ın məlumatına görə, hakim Əfqan Hacıyevin sədrliyi ilə keçirilən prosesdə hökm oxunub. Hakimlər kollegiyasının qərarı ilə R. İbrahimov 7 il müddətə azadlıqdan məhrumetmə cəzasına məhkum edilib.
Qeyd edək ki, hadisə keçən il iyul ayında Bakının Binəqədi rayonu ərazisində baş verib. Bakı şəhər sakini Nazim Bağırov naməlum şəraitdə bıçaqlanıb. O, kəsilmiş-deşilmiş xəsarətlə xəstəxanaya gətirilib. Vaxtında tibbi yardım göstərildiyi üçün Nazim Bağırovun həyatını xilas etmək mümkün olub.
5-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakini Rəhim İbrahimov tutulub.
Faktla bağlı cinayət işi başlanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
