22 yaşlı qız özünü yandırdı

Qusar rayonunda intihara cəhd hadisəsi qeydə alınıb.

APA-nın şimal bürosunun məlumatına görə, Qusar şəhər Muxtadır küçəsi, 71 ünvanında yaşayan, 1991-ci il təvəllüdlü Allahyarova Mehparə Tofiq qızı aprelin 19-da gecə saatlarında özünü yandırıb.

O, dərhal Qusar Mərkəzi Rayon Xəstəxanasının reanimasiya şöbəsinə yerləşdirilib.

M. Allahyarovaya bədənin müxtəlif nahiyələrinin 2-ci və 3-cü dərəcəli termik yanığı diaqnozu qoyulub. Xəstəxanadan verilən məlumata görə, onun vəziyyəti ağır-stabildir.

Faktla bağlı araşdırma aparılır.