15 yaşlı oğlan yaralı əsgərimizə qan verdi

Bakının Xəzər rayonu ərazisində güllə yarası alan və 3 saylı Sabunçu xəstəxanasına yerləşdirilən əsgərimizə qan verilib. Lent.az-ın məlumatına görə, xəstəxanaya bir neçə nəfər müraciət edib. Amma onların arasında 1997-ci il təvəllüdlü Rəhim Əliyevin qanı əsgərimizə düşüb. Yaralı əsgərin ailəsi övladlarına qan verən və bu arzuda olan hər kəsə öz təşəkkürünü bildirib.

Qeyd edək ki, Şüvəlan qəsəbəsi ərazisində N saylı hərbi hissədə xidmət çəkən 18 yaşlı S. Mahmudlu güllələnib. Yaralı dərhal 3 saylı Sabunçu xəstəxanasına yerləşdirilib. Əsgərin qarın boşluğundan güllə yarası aldığı bildirilir. Xəstəxanadan verilən məlumata görə, xəstənin vəziyyəti ağırdır. Hazırda Sübhan Mahmudlu cərrahiyyə olunur.
Hadisə Ədliyyə Nazirliyinin balansındakı alayda baş verib. Ədliyyə Nazirliyinin Penitensiar Xidmətindən verilən açıqlamada hadisənin ehtiyatsızlıqdan baş verdiyi bildirilib.

Qeyd edək ki, yaralı əsgərə qan vermək üçün kampaniyanı sosial şəbəkələrdə ilk dəfə "APA Holding"in əməkdaşları başlamışdılar.