Rusiyanın paytaxtı Moskvada məhkəmə vətəndaşların şəxsi məlumatlarını satmaqda ittiham olunan iki polis əməkdaşının həbs müddətini aprelin 8-dək uzadıb.
Lent.az-ın yerli mediaya istinadla məlumatına görə, cinayət işinin materiallarından belə çıxır ki, polislər Vladimir Mityurov və Yevgeni Malışev vəzifə səlahiyyətlərindən istifadə edərək rüşvət almaqda və kompüter məlumatlarına qanunsuz daxil olmaqda ittiham olunurlar. İstintaqın məlumatına görə, onlar rüşvət qarşılığında vətəndaşların məlumatlarını və poçt ünvanlarını internet vasitəsilə ötürüblər.
Mityurov və Malışev günahlarını inkar edirlər. Onlar məhkəmədən ev dustaqlığı qətimkan tədbirinin yumşaldılmasını istəyiblər. Mityurov həbs olunmazdan əvvəl Mərkəzi İnzibati Dairə üzrə Daxili İşlər İdarəsinin xüsusilə mühüm işlər üzrə əməliyyatçı, həmkarı isə Mərkəzi İnzibati Dairə üzrə Daxili İşlər İdarəsinin hüquq-mühafizə şöbəsinin rəisi vəzifələrində çalışıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
