Türkiyədə silahlı İNSİDENT: 4 azərbaycanlı... - HADİSƏ ANI - YENİLƏNİB

İstanbulun Sarıyer rayonunda yerləşən Vadi İstanbul ticarət mərkəzində dünən, 11.09.2022 tarixində axşam saat 8 radələrində naməlum qruplar arasında yaranmış silahlı münaqişədə dördü azərbaycanlı olmaqla 6 nəfər yaralanıb.

Lent.az xəbər verir ki, bu barədə APA-ya Azərbaycanın İstanbuldakı Baş konsulluğundan xəbər verilib.

Bildirilib ki, hadisə nəticəsində Rakif Əliyev, Mahrec Kərimov, Azər Amanov və Qulam İbrahimov xəsarət alıb: “Yaralılar Seyrantepe Hamidiye Etfal Eğitim ve Araştırma Xəstəxanasında müalicə olunurlar. Hadisənin yaranma səbəbləri aidiyyəti polis şöbəsi tərəfindən araşdırılır. Nəticəsi barədə əlavə məlumat veriləcək”.

***
Saat: 11:46

Türkiyənin İstanbul şəhərində silahlı insident olub.

Lent.az yerli mediaya istinadla bildirir ki, hadisə Sarıyer qəsəbəsində, “Timboo” adlı kafedə baş verib. Naməlum səbəbdən yaranan silahlı insidentdə 6 nəfər yaralanıb. Onlardan 1-i Türkiyə, 4-ü Azərbaycan və 1-i İran vətəndaşı olub. Yaralılardan birininin vəziyyətinin ağır olduğu bildirilir. Onların hamısı xəstəxanaya yerləşdirilib.

Hadisə ilə bağlı araşdırma aparılır.