Tək yaşayan kişinin meyiti tapıldı

Hacıqabulda yaşayış evində bir neçə gün əvvəl ölmüş şəxsin meyiti aşkar edilib.

Lent.az-ın APA-ya istinadla məlumatına görə, hadisə Talış kəndində qeydə alınıb. Hacıqabul rayonunun Talış kənd sakini, 1966-cı il təvəllüdlü Əsədov Qalib Əlisa oğlu tək yaşadığı mənzilində ölü tapılıb. Onun bir neçə gün əvvəl öldüyü ehtimal olunur. Meyit müayinə olunmaq üçün Şirvan morquna yerləşdirilib. Faktla bağlı araşdırma aparılır.