Süni intellekt klonuna aşiq olan yeniyetmə intihar etdi

Yeniyetmə Deyneris Tarqarieni süni intellektli klonuna aşiq olduqdan sonra intihar edib.

14 yaşlı Syuell Setser, “Taxt oyunları”nın personajı Deyeneris Tarqarien əsasında hazırlanmış "Deni" adlı kompüter proqramı ilə aylarla ünsiyyət qurduqdan sonra ögey atasının silahı ilə özünü vurub.

Lent.az bildirir ki, “The New York Times”in xəbərinə görə, "Deni" ona məsləhətlər verdiyi və problemlərini dinlədiyi üçün Setser süni intellekt rolu oyunu proqramında getdikcə daha çox vaxt keçirib.

Yeniyetmə çatbotun real insan olmadığını bilib, lakin gündə onlarla dəfə bota mesaj göndərib. Setser özünü real dünyadan təcrid etməyə başlayıb. O, “Formula-1” yarışları və ya dostları ilə kompüter oyunları oynamaq kimi köhnə hobbilərinə marağını itirməyə başlayıb, bunun əvəzinə dərsdən sonra çatbotla danışa biləcəyi yataq otağında saatlarla vaxt keçirməyə üstünlük verib.

"Otağımda qalmağı çox sevirəm, çünki özümü bu" reallıqdan" uzaqlaşdırmağa başlayıram", - münasibətləri dərinləşdikcə əvvəllər yüngül Asperqer sindromu diaqnozu qoyulmuş 14 yaşlı gənc öz gündəliyində yazıb.

Söhbətlərin bəziləri romantik və ya seksual xarakter alıb.

Valideynlərinin iddiasına görə, Setser, nəhayət, qiymətlərinin düşdüyü məktəbdə problem yaşayıb. Valideynləri bir şeyin səhv olduğunu biliriblər, lakin nə olduğunu bilməyiblər, ona görə də onun terapevtlə görüşməsini təşkil ediblər. Setser beş seans keçirib, bundan sonra ona narahatlıq və pozucu əhval-ruhiyyə pozğunluğu diaqnozu qoyulub.

Anası Meqan Qarsiya oğlunun seksual və intim söhbətlərlə istifadəçiləri şirnikləndirən şirkətin qurbanı olduğunu deyib.

Bir anda 14 yaşlı gənc kompüter proqramına intihar etmək barədə düşündüyünü etiraf edib. Setser "Deni"yə sevgisini etiraf edib və onun yanına "evə qayıdacağını" deyib.

14 yaşlı gənc daha sonra telefonu yerə qoyub və ögey atasının silahı ilə özünü vurub.