Sumqayıtda ölümlə nəticələnən yol qəzası olub.
Lent.az Daxili İşlər Nazirliyinə istinadla bildirir ki, hadisə noyabrın 26-da saat 23 radələrində Sumqayıt şəhərinin H.Z.Tağıyev qəsəbəsi ərazisində qeydə alınıb. Müəyyən edilməmiş avtomobillə yolu keçən 40-45 yaşlı kişi vurulub. Xəsarətlə xəstəxanaya yerləşdirilmiş piyada orada ölüb.
Dərhal başlanılan əməliyyat tədbirləri ilə həmin şəxsin Sumqayıt şəhər sakini Seymur Abdalov olması, yol-nəqliyyat hadisəsinin “Opel” markalı avtomobillə törədilməsi müəyyən edilib.
Yol qəzasını törədərək hadisə yerindən yayınmış həmin nəqliyyat vasitəsinin sürücüsü, şəhər sakini N.Yaqubov Sumqayıt şəhər Polis İdarəsinin 2-ci Polis Bölməsinin əməkdaşları tərəfindən saxlanılıb.
Faktla bağlı araşdırma aparılır.
edsdsds.jpg)
