Sumqayıt və Ağcabədidə evlər qarət olundu

Sumqayıt və Ağcabədidə evlərdən oğurluq edilib.

Daxili İşlər Nazirliyindən Lent.az-a verilən xəbərə görə, Sumqayıtın H.Z.Tağıyev qəsəbəsindəki evlərin birindən 2750 manat pul oğurlanıb.

Şəhər Polis İdarəsinin 2-ci Polis Bölməsi əməkdaşlarının keçirdikləri əməliyyat tədbiri nəticəsində oğurluqda şübhəli bilinən Sumqayıt şəhər sakini Ş.Qədimov saxlanılıb.

Həmçinin Ağcabədi rayonunda evlərin birindən 400 ABŞ dolları, 150 avro və 9500 manat dəyərində qızıl-zinət əşyaları oğurlanıb.

Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki oğurluqda şübhəli bilinən rayon sakinləri Q.Bədəlov, F.Fərmanlı və H.Bayramov saxlanılıblar.

Araşdırma aparılır.