Salyanda avtomobil su kollektoruna düşüb.
Fövqəladə Hallar Nazirliyindən Lent.az-a verilən xəbərə görə, "112" qaynar telefon xəttinə rayonun Parça Xələc kəndində hərəkətdə olan avtomobilin su kollektoruna düşməsi barədə məlumat daxil olub.
Məlumatla əlaqədar FHN-nin Muğan Regional Mərkəzinin xilasetmə qüvvələri çağırış üzrə cəlb olunub.
Muğan Regional Mərkəzinin xilasediciləri tərəfindən həyata keçirilən tədbirlər nəticəsində “Ford” markalı avtomobildə sıxılı vəziyyətdə qalan 1 nəfərin meyiti çıxarılaraq aidiyyəti üzrə təhvil verilib.