12:05 27 yanvar 2021

Restorandan oğurladıqlarını su qiymətinə satdılar - FOTO

madeyra

Qubada restorandan oğurluq edilib.

DİN-in mətbuat xidmətinin Quba rayonunda regional qrupundan Lent.az-a verilən məlumata görə, Quba rayon Polis Şöbəsinə rayon ərazisində yerləşən və fəaliyyəti müvəqqəti olaraq dayandırılan restoranların birindən müxtəlif vaxtlarda bir ədəd elektrik generatoru, bir ədəd mühərrikli ot biçən, bir ədəd su nasosu və restorana məxsus digər əşyaların oğurlanması barədə müraciət daxil olub.

Polislərin keçirdiyi əməliyyat-axtarış tədbirləri nəticəsində oğurluğu törətməkdə şübhəli bilinən Şabran rayon sakinləri Sərdar Məmmədov, Tehran Cavadov və Ağamusa İsakov saxlanılıblar.

Saxlanılan şəxslər törətdikləri oğurluq əməlləri etiraf edərək, oğurluq yolu ilə əldə etdikləri qənimətlərin bir qismini dəyərindən ucuz qiymətə satdıqlarını bildiriblər. Əşyaların bir qismi isə polis əməkdaşları tərəfindən maddi sübut kimi onlardan götürülüb.

Faktla bağlı Quba rayon Polis Şöbəsinin İstintaq Bölməsində cinayət işi başlanılıb, onların digər cinayət əməllərində iştiraklarının olub-olmaması araşdırılır.

# 498
avatar

Mehman Nəbiyev

Oxşar yazılar