Rusiyada 20 yeniyetmə təhlükəli məşğuliyyət səbəbindən həyatını itirib.
Lent.az yerli mediaya istinadla xəbər verir ki, ölüm halları Vladimir, Samara, Sverdlovsk, İrkutsk, Lipetsk vilayətlərində, Altayda, Krasnodar və Primor diyarlarında, həmçinin Nenets Muxtar Dairəsində qeydə alınıb.
Son hadisələrdən biri 21 noyabrda Ust-Kamçatkada baş verib: 15 yaşlı yeniyetmə dostu ilə birlikdə parkdakı skamyada balondan qaz buxarlarını udub. Onları görən kimi qaçmağa cəhd ediblər. Lakin yeniyetmələrdən biri özünü pis hiss edib, yıxılaraq huşunu itirib. Ona yardım göstərmək mümkün olmayıb, həkimlər onun öldüyünü təsdiqləyiblər.
İkinci hadisə 25 noyabrda Novoçerkasskda qeydə alınıb. Burada 14 yaşlı yeniyetmələrdən ibarət dəstə keçmiş peşə məktəbinin tərk edilmiş binasında toplaşıb. Snifinq zamanı qızlardan biri özünü pis hiss edib və onu xilas etmək mümkün olmayıb.
2025-ci il martın 1-dən etibarən Rusiyada alışqanların və qaz tərkibli məhsulların yetkinlik yaşına çatmayanlara satışı qadağan edilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
