Qağayılar balıqçıya böyük miqdarda kokain gətirdilər

Britaniyalı balıqçı dənizə çıxıb və qağayıların köməyi ilə böyük bir kokain partiyası tapıb.

Lent.az-ın xarici mediaya istinadla xəbərinə görə, Böyük Britaniyanın Uayt adasının sakini Ron Rapp ailəsi ilə balıq ovuna çıxıb. Onların qayığı Nidls kimi tanınan sıldırım qayalıqların sahilində lövbər salıb. Elə bu vaxt Rapp yaxınlıqda bir qrup qağayı görüb.

Quşlar suda üzən bir şeyin üstündə oturublar və balıq üçün orada pusqu qurublar. Rapp üzərək yaxınlaşanda iki boş qutu görüb və onlara bərkidilmiş üç briket bağlanıbmış. Adam bilirdi ki, narkotik yükü bu yaxınlarda Uayt adasının çimərliklərində və Dorset sahillərində yuyulub, ona görə də dərhal sahil mühafizəsi ilə əlaqə saxlayıb. Məlum olub ki, qağayılar ona tərəf doğrudan da narkotik sürükləyib.

“Zəngdən təxminən bir saat sonra yanıb-sönən işıqları olan polis qayığı gəlib, bu bizim üçün yeni idi. Briketləri sudan çıxarıb, şübhələrimizi təsdiqlədilər. Bundan sonra bir az balıq tutmağı bacardıq, ona görə də yaxşı gün oldu... Baxmayaraq ki, təbii, ən böyük ov bir milyon dollar dəyərində narkotiklər olub”, - Rapp jurnalistlərə bildirib.

Aşkar edildikdən sonra Böyük Britaniya Milli Cinayət Agentliyi bütün narkotiklərin sudan çıxarıldığına inandığını bildirsə də, əlavə briketlərin aşkarlanmasını istisna etməyib. Zabitlər Uayt adasının digər hissələrində axtarışlarını davam etdirirlər. Kokain yükünün Cənubi Amerikadan Böyük Britaniya sahillərinə atıldığı ticarət gəmisinin göyərtəsində gəldiyi güman edilir.