Putini lənətləyən məşhur musiqiçinin qan donduran ölümü

Əvvəllər Rusiya prezidenti Vladimir Putini söyən rusiyalı müğənni Vadim Stroykin polisin reydi zamanı 10-cu mərtəbədəki evinin pəncərəsindən yıxılaraq ölüb.

Lent.az-ın xarici mediaya istinadən xəbərinə görə, ölkənin məşhur müğənnilərindən biri, prezident Vladimir Putinə müxalifətçiliyi ilə tanınan Vadim Stroykinin ölümü Rusiyanı sarsıdıb.

Ukrayna ordusuna ianə verməkdə ittiham olunan və əvvəllər dəfələrlə Putini söyən Stroykin polisin reydi zamanı şübhəli şəraitdə ölüb.

58 yaşlı Stroykin Sankt-Peterburqda polisin reydi zamanı 10-cu mərtəbədəki mənzilinin pəncərəsindən yıxılıb. Səlahiyyətlilər Stroykinin ölümünün araşdırıldığını bildiriblər.

"Bu adam həm öz xalqına, həm də qardaş xalqa müharibə elan etdi", - Stroykin 2022-ci ildə Putin haqqında etdiyi paylaşımda deyib.

Stroykin başqa bir yazısında "Onun ölməsini istəmirəm, onun mühakimə olunduğunu və həbs edildiyini görmək istəyirəm" yazıb.