Yanvarın 17-də iynə vurulandan sonra anafilaktik şoka düşüb dünyasını dəyişdiyi deyilən Vətən Müharibəsinin könüllü döyüşçüsü ilə bağlı bir sıra təfərrüatlar məlum olub.
Lent.az-ın məlumatına görə, Lənkəran rayonunun Göyşaban kəndindən olan qazi İbrahim Mirzəzadə astma xəstəsi olub. Vəziyyəti qəfil pisləşdiyi üçün təcili tibbi yardıma xəbər verilib. Ünvana gələn tibbi yardım əməkdaşı İ.Mirzəzadəyə iynə vurub. Bundan sonra, anafilaktik şoka düşüb və nəticədə dünyasını dəyişib.
Hüquq-mühafizə orqanlarından əldə etdiyimiz məlumata görə, qazi İbrahim Mirzəzadə yanvarın 17-də, saat 12 radələrində rayonun Girdəni kəndində evdə ölüb.
Rayon prokurorluğuna daxil olan məlumat əsasında hüquq-mühafizə orqanlarının və məhkəmə tibbi ekspertizanın əməkdaşları hadisə yerinə və meyitə baxış keçirib. Bu zaman onun bədənində hər hansı xəsarət izləri aşkarlanmayıb.
Qohumlarının sözlərinə görə, İ.Mirzəzadə əvvəllər də nəfəs yolları xəstəliyindən əziyyət çəkib. Ötən gün isə onun xəstəliyi kəskinləşib, göstərilən tibbi yardımlara baxmayaraq, həyatını xilas etmək mümkün olmayıb.
Hazırda faktla bağlı Lənkəran rayon Prokurorluğunda araşdırma aparılır.
Qeyd edək ki, hadisə ilə bağlı mediada və sosial şəbəkələrdə yayılan məlumata görə, Vətən Müharibəsi iştirakçısı İbrahim Mirzəzadə 2 gün öncə ordudan tərxis olunmuşdu.
edsdsds.jpg)
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
