Ölmüş valideynləri ilə yaşayan yeniyetmə həbs edildi

Polşada ər-arvad olan 42 yaşlı kişi və 50 yaşlı qadının meyitləri tapılıb.

Lent.az-ın xarici mediaya istinadla məlumatına görə, tezliklə onların cəsədləri artıq çürüməyə başlayan ölmüş valideynləri ilə bir neçə gün yaşayan 14 yaşlı oğlu saxlanılıb.

Saxlanılan zaman yeniyetmə kinoteatrda olub və valideynlərini öldürmədiyini iddia edib. Onun sözlərinə görə, valideynləri qəfil dünyasını dəyişib və o, qorxub, nə edəcəyini bilməyib və buna görə də bu barədə heç kimə deməyib.

İstintaq hadisələrin iki versiyasını nəzərdən keçirib: birincisi cütlüyün zəhərlənmədən öldüyünü, ikincisi isə onların öldürüldüyünü irəli sürüb.

Varşava Regional Prokurorluğunun nümayəndəsi Şimon Banna qeyd edib ki, toplanmış sübutlar əsasında zərərçəkmişlərin ölümündə üçüncü şəxslərin əli olması qənaətinə gəlmək üçün kifayət qədər əsaslar var. Prokurorluq istintaqın əlavə təfərrüatlarını açıqlamaq niyyətində deyil.