Lənkəran Dövlət Universitetinin mətbuat xidmətinin rəhbəri Esmira İsmayılova həmin universitetin müəllimi Elşad Rəhimovun tələbə qızlara əxlaqsız təkliflər etməsinə dair yayılan xəbərlərə aydınlıq gətirilib.
Bu barədə Lent.az-a danışan Esmira İsmayılova bildirib ki, yayılan video şantaj xarakteri daşıyır:
"Universitetin müəllimi Elşad Rəhimov barəsində yayılan video reallığı əks etdirmir. Bu neçə illər ərzində universitetdə o müəllim haqqında heç bir mənfi rəy söylənilməyib.
Məlum video ötən ilə aiddir və şantaj xarakteri daşıyır. Hüquq-mühafizə orqanları araşdırma aparır. Əgər yayılan məlumatlar öz reallığını qoruyub saxlasa, universitet tərəfindən müəllim barəsində ciddi tədbir görüləcək. Dövlət Aqrar İnkişaf Mərkəzinin əməkdaşıdır, bizdə yarımştat işləyir".
Qeyd edək ki, sözügedən universitet müəllimi Elşad Rəhimov APA-ya açıqlamasında videonun ona qarşı şantaj məqsədilə yayıldığını deyib.
***
12:17
Daxili İşlər Nazirliyi (DİN) Lənkəran Dövlət Universitetinin müəlliminin tələbələrə qiymət yazmaq üçün əxlaqsız təklif etməsi ilə bağlı yayılan iddialara münasibət bildirib.
DİN-in Mətbuat Xidmətinin Lənkəran regional qrupunun baş inspektoru polis baş leytenantı Məhəmməd Rzayev Lent.az-a cavab olaraq bildirib ki, nazirlik yayılan görüntülərdən məlumatlıdır.
O qeyd edilib ki, yayılan iddialar Lənkəran Şəhər Rayon Polis Şöbəsində araşdırılır: "Təfərrüatlar ətraflı araşdırmadan sonra məlum olacaqdı".
Xatırladaq ki, sosial şəbəkədə Lənkəran Dövlət Universitetinin müəllimi Elşad Rəhimovun tələbələrə qiymət yazmaq üçün əxlaqsız təklif etdiyi barədə iddialar yayılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
