Mingəçevirdəki qəzada yaralananlardan biri öldü - YENİLƏNİB

Mingəçevirdə qəzada xəsarət alan sərnişin vəfat edib.

Lent.az-ın əldə etdiyi məlumata görə, qəza nəticəsində ağır yaralanan "Qaz - 3110"un sərnişini 60 yaşlı Yolçu Cavadov xəstəxanada dünyasını dəyişib.

Bununla da, qəzada ölənlərin sayı 2-yə çatdı.

Fakt Daxili İşlər Nazirliyinin mətbuat xidmətinin Şəki regional qrupundan Lent.az-a təsdiqlənib.

***
13.01.2023

Saat: 20:59

Mingəçevir şəhəri, Samux küçəsində Ülvi Hətəmovun idarə etdiyi “Mercedes” və Əhməd Əhmədovun idarə etdiyi “QAZ-3110” markalı avtomobil toqquşub.

DİN-in Mətbuat Xidmətinin Şəki regional qrupundan Lent.az-a verilən xəbərə görə, qəza nəticəsində hər iki sürücü, eləcə də nəqliyyat vasitələrində olan iki sərnişin müxtəlif dərəcəli bədən xəsarətləri alıblar. “QAZ-3110” markalı avtomobildəki sərnişinlərdən biri, 1983-cü il təvəllüdlü şəhər sakini Azər Manafov aldığı xəsarətlərdən hadisə yerində ölüb.
Faktla bağlı araşdırma aparılır.