Hindistanın Bihar ştatının Qopalqanc şəhərində məhbus cəza qorxusundan təhlükəsizlik yoxlaması zamanı cib telefonunu udaraq xəstəxanaya yerləşdirilib.
Lent.az-ın xarici mediaya istinadən xəbərinə görə, məhkum Kayşar Əli şiddətli qarın ağrısı şikayəti ilə xəstəxanaya yerləşdirilib. Müayinə zamanı həkimlər onun qarın boşluğunda yad cisim aşkar ediblər.
Həmin şəxs həbsxana işçilərinə deyib ki, qəfil yoxlama zamanı cib telefonu udub, çünki ondan istifadə etdiyinə görə cəzalandırılacağından qorxub. Hazırda məhkumun xəstəxanada müalicəsi davam etdirilir, vəziyyəti stabil qiymətləndirilir.
Əli narkotiklə bağlı cinayətə görə 2020-ci ilin yanvarında həbs cəzası alıb. Hindistan həbsxanalarında mobil telefondan istifadə qadağandır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
