İki qadın dəm qazından, qız isə dərmandan ZƏHƏRLƏNDİ

Tovuzda zəhərlənmə faktı qeydə alınıb.

Lent.az APA-ya istinadən xəbər verir ki, rayonun Alakol kənd sakini, 1995-ci il təvəllüdlü Quliyeva Gunay Eldar qızı və 1995-ci il təvəllüdlü Tovuz rayonu sakini Əliyeva Ayşə Eldar qızı zəhərlənmə diaqnozu ilə xəstəxanaya yerləşdiriliblər.
Hər iki qadının vəziyyətinin kafi olduğu bildirilir.
İlkin məlumata görə, qadınlar yaşadığı evdə dəm qazından zəhərləniblər.
Gəncədə isə dərmandan zəhərlənmə faktı qeydə alınıb.

Hadisə şəhərin Şah İsmayıl Xətai prospektində yerləşən yaşayış evlərinin birində baş verib.
2001-ci il təvəllüdlü A.Məmmədova zəhərlənmə diaqnozu ilə xəstəxanaya yerləşdirilib, vəziyyətinin ağır olduğu bildirilir.

Gənc qızın hansı səbəbdən dərmandan zəhərlənməsi məlum deyil.
Faktla bağlı araşdırma aparılır.