Hərbi Prokuror ordudakı cinayətlərdən DANIŞDI

Ötən il orduda özünü öldürmə həddinə çatdırma cinayətləri 10 faiz azalıb.

Lent.az xəbər verir ki, bunu Hərbi Prokuror, general-leytenant Xanlar Vəliyev açıqlamasında bildirib. Onun sözlərinə görə, 2021-ci ilin 8 ayına nisbətən 2022-ci ilin 8 ayı ərzində qəsdən sağlamlığa ağır zərər vurma cinayətləri 80 faiz, vəzifə səlahiyyətlərindən sui-istifadə və ya vəzifə səlahiyyətlərini aşma cinayətləri 18,2 faiz azalıb:

"Həmçinin, silahla və ətrafdakılar üçün yüksək təhlükə törədən əşyalarla davranış qaydalarını pozma cinayətləri 92,3 faiz, maşınları idarəetmə və istismar qaydalarını pozma cinayətləri 12,5 faiz, odlu silahı, döyüş sursatını, partlayıcı maddələri və qurğuları talama və ya hədə-qorxu ilə tələb etmə cinayətləri 57,1 faiz, fərarilik cinayətləri 40 faiz və xuliqanlıq cinayətləri 20 faiz daha az olub".