55 COVID-19 xəstəsi yaşayış yerini tərk etdi
14 dekabr 2020 10:22 (UTC +04:00)

55 COVID-19 xəstəsi yaşayış yerini tərk etdi

Həftəsonu 34 koronavirus xəstəsinə cinayət işi açılıb

COVID-19 infeksiyasının kütləvi yayılmasının qarşısının alınması məqsədilə nəzarət-profilaktik tədbirlər davam etdirilir. 

DİN mətbuat xidmətindən Lent.az-a verilən məlumata görə, dekabrın 12 və 13-də polis və Daxili Qoşunların hərbi qulluqçuları tərəfindən respublika ərazisində ictimai yerlərdə yaşayış yerlərini tərk edən 55 aktiv COVID-19 xəstəsi müəyyən olunaraq saxlanılıb.

Tibbi qaydalar gözlənilməklə onlardan 54 nəfər evə qaytarılıb, 34 nəfər barəsində isə cinayət işi başlanılıb. 

Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə istintaq araşdırmaları davam etdirilir.

# 387
avatar

Mehman Nəbiyev

Oxşar yazılar