Göyçay rayonunda zəncirvari yol-nəqliyyat hadisəsi olub.
Lent.az APA -ya istinadən xəbər verir ki, hadisə ötən gün saat 23:00 radələrində Göyçay-Qarabaqqal-Bığır yolunun Hacalıkənd kəndi ərazisindən keçən hissəsində qeydə alınıb.
İki "VAZ 21015", "VAZ 2106" və "Mercedes" markalı minik avtomobilləri toqquşub.
Hadisə nəticəsində "VAZ 21015" markalı avtomobillərindən birinin sürücüsü, 1984-cü il təvəllüdlü Alməmmədov Kamil Əziz oğlu və sərnişini, 1968-ci il təvəllüdlü Xəlilova Ərzi İsrafil qızı xəsarət alıb.
Qəza nəticəsində yolda nəqliyyatın hərəkəti yarım saat ərzində dayanıb, böyük məsafədə tıxac yaranıb.
DYP əməkdaşları nəqliyyatın hərəkətini bərpa edib.
Hadisə zamanı iki nəfər xəsarət alıb.
Yaralılar Göyçay Rayon Mərkəzi Xəstəxanasına aparılıblar.
Faktla bağlı Göyçay Rayon Polis Şöbəsi tərəfindən araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
