Evinə gələn  polisin başına   tava çırpdı
20 dekabr 2021 12:15 (UTC +04:00)

Evinə gələn polisin başına tava çırpdı

Cəlilabadda polis əməkdaşına xəsarət yetirilib.

Daxili İşlər Nazirliyindən Lent.az-a verilən xəbərə görə, dekabrın 19-da DİN-in “102 Zəng Mərkəzi”nə zəng edən Cəlilabad şəhər sakini F.Quliyev yaşadığı evdə atası, əvvəllər məhkum olunmuş Faiqin sərxoş vəziyyətdə münaqişə yaratdığını və onları öldürməklə hədələdiyini bildirib.

Dərhal Cəlilabad rayon Polis Şöbəsinin əməkdaşları həmin ünvana gəliblər. F.Quliyev nizam-intizama dəvət olunub. Lakin o, polis əməkdaşlarını təhqir edərək, qaz sobasının üzərindən götürdüyü dəmir tava ilə polis əməkdaşlarından birinə xəsarət yetirib.

F.Quliyev saxlanılıb.

Faktla əlaqədar Cinayət Məcəlləsinin 221.3-cü maddəsi ilə  (Xuliqanlıq -  silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) cinayət işi başlanıb.

Xəsarət almış polis əməkdaşına xəstəxanada ilkin tibbi yardım göstərilib.

1 2 3 4 5 İDMAN XƏBƏRLƏRİ
# 1791
avatar

Mehman Nəbiyev

Oxşar yazılar