Boeing 757 eniş zamanı iki yerə bölündü

DHL şirkətinə məxsus Boeing 757 yük təyyarəsi Kosta-Rikada təcili eniş zamanı iki yerə bölünüb.

Lent.az xarici mediaya istinadla bildirir ki, təyyarənin hidravlik sistemi sıradan çıxdığından pilotu Kosta-Rikanın paytaxtı San-Xosedəki beynəlxalq hava limanında təcili eniş tələb edib. Eniş zamanı təyyarə sürüşüb, 180 dərəcə dönüb və ortadan bölünüb..

Hadisə nəticəsində xəsarət alan olmayıb. Hər iki pilot təyyarənin qalıqları altından çıxa bilib. DHL-dən bildiriblər ki, ekipaj üzvlərindən biri “ehtiyat tədbiri olaraq” tibbi müayinədən keçir.