Geniş tamaşaçı kütləsinin böyük marağına səbəb olmuş “Əqrəb mövsümü” çoxseriyalı bədii filminin yaradıcı heyəti və aktyorları Baş Prokurorluq tərəfindən təltif olunub.
Lent.az xəbər verir ki, Baş prokuror Kamran Əliyev filmə baxdığını və bəyəndiyini bildirib.
Tədbirdə çıxış edən İctimai Televiziya və Radio Yayımları Şirkətinin baş direktoru Balakişi Qasımov Baş Prokurorluğun dəstəyi ilə ərsəyə gəlmiş “Əqrəb mövsümü”nün sosial şəbəkələrdə müzakirələrə səbəb olmasından və izləyicilərin rəğbətindən məmnunluğunu bildirməklə filmin son günlər televiziya məkanında ən çox izlənən seriallar sırasında olmasını qeyd edib.
Bildirilib ki, serialda çətin və şərəfli prokurorluq peşəsinin incə məqamlarının göstərilməsi ictimaiyyətin böyük marağına səbəb olub. Gənclərin zərərli vərdişlərdən çəkinməsi və ümumilikdə cəmiyyətin hüquqi maariflənməsi baxımından bu kimi layihələrin gələcəkdə davam etdirilməsi üçün qarşılıqlı əməkdaşlığın əhəmiyyəti vurğulanıb.
Sonda Baş prokuror filmin rejissoru Emil Quliyevə, aktyor-ssenarit Azər Aydəmirə, aktyorlar Hikmət Rəhimov, Abbas Qəhrəmanova və baş prodüser Yalçın Verdiyevə hədiyyələr təqdim edib.
Fotoları təqdim edirik:
_1676450437.jpeg)
_1676450449.jpeg)
_1676450463.jpeg)
_1676450474.jpeg)
_1676450485.jpeg)
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
