Baş aşpazın zorlanmasının TƏFƏRRÜATLARI - YENİLƏNİB

Rusiyanın Sankt-Peterburq şəhərində 22 yaşlı baş aşpazın zorlanmasının təfərrüatları açıqlanıb.

Lent.az xarici KİV-ə istinadən xəbər verir ki, əslən Tacikistandan olan baş aşpaz bildirib ki, öz maşınına əyləşdiyi vaxt gözləmədiyi halda ona hücum ediblər.

Bundan sonra, qarətçilər onu döyə-döyə şəhər kənarındakı avtoyuma məntəqəsinə gətiriblər. Orada isə aşpazı qarət ediblər. O, huşunu itirib.

Qarətçilər bir qədər hadisə yerindən aralandıqdan sonra geri qayıdıblar və onu zorlayıblar. Onu səhərədək avtoyuma məntəqəsində saxlayıblar. Səhər isə yaxınlıqdakı ticarət mərkəzlərinin birinin zibilliyinə atıblar.

Məlumata görə, təcavüz edənlər 6 nəfər olub. Hazırdan onların tapılması istiqamətində axtarış gedir.

12:03

***

Rusiyanın Sankt-Peterburq şəhərində 22 yaşlı baş aşpaz oğurlanıb.

Lent.az-ın yerli KİV-ə istinadən məlumatına görə, şəhərin elitar restoranlarının birində baş aşpaz olan oğlanı naməlum şəxslər əvvəlcə qarət ediblər.

Onun 59 min rubl pulunu, iki telefonunu götürən qarətçilər sonradan onu zorlayıblar. Hazırda polislər tərəfindən həmin şəxslərin axtarışları davam etdirilir.