Bakının Yasamal rayonunda sərxoş olduğu deyilən sürücü qəza törədib.
Lent.az APA-ya istinadən xəbər verir ki, hadisə Ziya Bünyadov prospektində qeydə alınıb.
Belə ki, Qələbə dairəsindən metronun Koroğlu stansiyası istiqamətində olan “Ford” markalı avtomobilin sürücüsü yüksək sürətlə eyni istiqamətdə hərəkətdə olan Mahmud Nuriyevə məxsus “Mercedes” markalı avtomobilə çırpılıb.
Zərbə o qədər güclü olub ki, “Mercedes” əks istiqamətdə yolayrıcı betonun üzərinə düşüb.
Qəza nəticəsində “Ford”un sürücüsü xəsarət alıb.
Mahmud Nuriyev APA-ya müsahibəsində bildirib ki, qəza törədən “Ford”un sürücüsü sərxoş vəziyyətdə olub.
Əraziyə Yol Patrul Xidmətinin əməkdaşları və Yasamal Rayon Polis İdarəsinin əməkdaşları cəlb edilib.
Fakt araşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
