Bakıda marketə HÜCUM: Haramdır deyib  9 minlik içkini sındırdı
17 iyun 2023 12:01 (UTC +04:00)

Bakıda marketə HÜCUM: Haramdır deyib 9 minlik içkini sındırdı

İyunun 15-də Yasamal rayonu ərasizindəki marketə gəlmiş naməlum şəxs orada olan spirtli içkiləri qəsdən sındıraraq ticarət obyektinə 9 min manata yaxın ziyan vurub.

Daxili İşlər Nazirliyinin mətbuat xidmətindən Lent.az-a bildirilib ki, polis əməkdaşları tərəfindən keçirilən əməliyyat tədbirləri nəticəsində başqasının əmlakını qəsdən məhv etməkdə şübhəli bilinən İkram Hüseynov saxlanılıb.

Faktla bağlı Yasamal rayon Polis İdarəsində Cinayət Məcəlləsinin 186.1-ci  (əmlakı qəsdən məhv etmə və ya zədələmə) maddəsi ilə cinayət işi başlanılıb, istintaq aparılır.

Qeyd edək ki, yayılan məlumata görə, hadisəni törədən şəxs spirtli içkilərin haram olduğunu deyərək bu addımı atıb.

# 4371
avatar

Oxşar yazılar