Bakıda evdə yanaraq ölən körpələrin FOTOLARI - YENİLƏNİB

Lent.az bu gün Bakının Sabunçu rayonu Kürdəxanı qəsəbəsində baş verən yanğında həlak olan körpə əkiz bacıların fotosunu əldə edib.

Həmin fotoları təqdim edirik:

***
Saat: 10:13

Bakıda baş verən yanğında daha bir azyaşlı həyatını itirib.

Lent.az-ın məlumatına görə, hadisə zamanı ailənin iki əkiz uşağı, 2021-ci il təvəllüdlü Fatimə və Zəhra Abbasovalar dünyasını dəyişiblər.

Həmçinin 3 yaşlı Zərifə Abbasova, 2 yaşlı Atilla Abbasov, ana Hamiyə Abbasova, ata Rövşən Abbasov, baba Qafar Abbasov yaralanaraq yanıq mərkəzinə yerləşdiriblər.

***
Saat: 09:31

Bakının Sabunçu rayonunda evdə baş verən yanğında yaralananlar yanıq mərkəzinə yerləşdirilib.

Bu barədə Lent.az-a TƏBİB-dən bildirilib. Qeyd olunub ki, yaralılar hazırda müayinə olunur:

"Yaralılardan 5 nəfər Yanıq mərkəzindədir. Onlardan 3-ü uşaq, bir ana və bir atadır. Bir körpə isə xəstəxanaya çatdırılmamış dünyasını dəyişib.

Əlavə məlumat veriləcək.

***

Saat: 09:09

Bakıda dəhşətli yanğın olub.

Lent.az-ın əldə etdiyi məlumata görə, hadisə bu gün səhər Sabunçu rayonu, Kürdəxanı qəsəbəsində qeydə alınıb. Fərdi yaşayış evində baş verən yanğın nəticəsində 1 yaşı tamam olmamış körpə ölüb. Ailənin 5 üzvü isə yanıq xəsarəti alıb.

Yaralılar xəstəxanaya yerləşdirilib.