Bakının Yasamal rayonunda yol qəzası zamanı bir nəfər xəsarət alıb.
Lent.az APA-ya istinadən xəbər verir ki, hadisə Yeni Yasamal yaşayış massivində baş verib.
Hadisə zamanı 99-XV-303 dövlət nişanlı “BMW” markalı avtomobili idarə edən Nadir Quliyev yolu keçən 1999-cu il təvəllüdlü Abdullayev Cəfər Elxan oğlunu vurub. Daha sonra idarəetmədən çıxan avtomobil yol kənarında dayanan “Toyota”, “Ford”, “VAZ 2107” və “Opel” markalı avtomobillərə çırpılıb.
Qəza nəticəsində C.Abdullayev ağır xəsarət alıb. Yaralı Kliniki Tibbi Mərkəzə yerləşdirilib.
Faktla bağlı Yasamal Rayon Polis İdarəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
