Bakıda külli miqdarda mənimsəmədə ittiham olunan bank olmayan kredit təşkilatının (BOKT) vəzifəli şəxsinə hökm oxunub.
Lent.az xəbər verir ki, Nərimanov rayon Məhkəməsində keçirilən proses zamanı təqsirləndirilən şəxs K.Ə. barəsində 5 il azadlıqdan məhrumetmə cəzası təyin edilib. Məhkəmənin qərarı hələlik qüvvəyə minməyib.
İttihama görə, K.Ə. BOKT-lardan birində audit vəzifəsində çalışıb. O, saxta sənəd hazırlamaqda, müqavilələrin sayını saxta yollarla artırmaqda təqsirli bilinir. Bu yollarla o, ümumilikdə 2 milyon manata yaxın məbləği mənimsəyib.
Onun barəsində Cinayət Məcəlləsinin 178.2.2-ci (dələduzluq təkrar törədildikdə), 178.2.4-cü (dələduzluq xeyli miqdarda törədildikdə), 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə cinayət işi başlanıb.
Qeyd edək ki, K.Ə.-nin əldə etdiyi pulları öz ehtiyacları üçün xərclədiyi bildirilir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
