Bakı metrosunun daha bir əməkdaşı vəfat etdi

"Bakı Metropoliteni" Qapalı Səhmdar Cəmiyyətinin Tikinti departamentinin Dəmir yolunun tikintisi və əsaslı təmir işləri üzrə dəstəsinin rəisi, 62 yaşlı Babaşxan Baxışov işə gələrkən ürək tutmasından vəfat edib.

Bu barədə Lent.az-a qurumun mətbuat xidmətinin rəhbəri Bəxtiyar Məmmədov məlumat verib. Onun sözlərinə görə, B.Baxışov 2017-ci ildən metropolitendə bu sahəyə rəhbərlik edib, yeni tipli dəmir yolunun qurulması sahəsində peşəkar mütəxəssis və rəhbər olub:

"Xüsusən yollarda ağac şpalkarın dəmir-beton bloklarla əvəz edilməsi kimi mütərəqqi layihələrin həyata keçirilməsini onun başçılıq etdiyi sahə həyata keçirir. Bu sahənin formalaşması və qurulmasında B.Baxışvun rolu və xidməti böyükdür".

Xatırladaq ki, bu gün "Bakı Metropoliteni"nin Elektromexanika xidmətinin su təchizatı sahəsinin elektrik mexaniki, 56 yaşlı Eldar Süleymanov da işə gələrkən vəfat edib.