Hacıqabulda sərnişin avtobusunun qəzaya uğraması zamanı 12 nəfər yaralanıb. Bu barədə APA-nın sorğusuna cavab olaraq TƏBİB-dən bildirilib.
Onlardan bir neçəsinin vəziyyəti ağırdır. Xəstələr əsasən bud-baldır travmaları alıb. Onların hamısı Şirvan Rayon Mərkəzi Xəstəxanasına yerləşdirilib.
***
17:22
Hacıqabulda sərnişin avtobusunun qəzaya uğraması nəticəsində 10 nəfər yaralanıb.
APA-nın Mil-Muğan bürosunun məlumatına görə, onların hamısı Şirvan şəhər xəstəxanasına yerləşdirilib.
Hadisənin baş verdiyi Bakı-Qazax magistralının 116-cı kilometrində uzun tıxac yaranıb.
***
16:53
Hacıqabulda sərnişin avtobusu qəzaya uğrayıb.
APA-nın Mil-Muğan bürosunun məlumatına görə, hadisə Hacıqabul-Horadiz magistralının Hacıqabul rayonu ərazisindən keçən hissəsində qeydə alınıb. İri tutumlu sərnişin avtobusu asfaltbasan maşın və daşla dolu avtomobillə toqquşub.
Hadisə zamanı çoxlu yaralının olduğu bildirilir.