Azərbaycanda məmur iş otağında ölü tapıldı

Saatlı rayon İcra Hakimiyyətinin əməkdaşı iş otağında ölmüş halda aşkar edilib.

Lent.az APA-ya istinadla xəbər verir ki, Saatlı rayon İcra Hakimiyyətində ictimai-siyasi və humanitar məsələlər şöbəsinin baş məsləhətçisi işləyən Telmankənd kənd sakini, 35 yaşlı Əhəd Cavanəli oğlu Behbudovun iş otağında meyiti tapılıb.

Onun sentyabrın 16-dan telefon zənglərinə cavab vermədiyi bildirilir.

Faktı Saatlı rayon prokurorluğu araşdırır.

Baş Prokurorluğun mətbuat xidmətindən Lent.az-ın sorğusuna cavab olaraq bildirilib ki, faktla bağlı hazirda Saatlı Rayon Prokurorluğunda araşdırma aparılır.