Azərbaycanda maşın körpüdən AŞDI: Ölənlər var - YENİLƏNİB

Lənkəranda baş verən yol qəzasında ölənlərin kimliyi məlum olub.

Daxili İşlər Nazirliyindən Lent.az-a verilən məlumata görə, Lənkəran rayon sakini İlqar Bayramov idarə etdiyi "Niva" markalı avtomobillə rayonun Əşlə kəndi ərazisində hərəkət olarkən idarəetməni itirib və nəqliyyat vasitəsi çaya aşıb.

Nəticədə sürücü və avtomobildə olan sərnişin Ş.Mirzəyev aldıqları xəsarətlər nəticəsində ölüb.

Faktla bağlı araşdırma aparılır

***

saat 18:10

Lənkəranda ağır yol qəzası baş verib.

Lent.az-ın APA-ya istinadla verdiyi xəbərə görə, qəza Lənkəran-Lerik yolunda, Əşlə kəndi ərazisində qeydə alınıb. Nəqliyyat vasitəsi körpüdən çaya aşıb. Hadisə nəticəsində sürücü və sərnişinin öldüyü bildirilir.

Meyitlər müayinə olunması üçün Məhkəmə Tibbi Ekspertiza və Patoloji Anatomiya Birliyinin Lənkəran rayon şöbəsinə aparılıb. İlkin versiyaya görə, qəzaya yolun qarlı olması səbəb olub.

Faktla bağlı araşdırma aparılır.