12:53 25 yanvar 2021

Azərbaycanda kuryoz dələduzluq: çoban işləmək üçün...

madeyra

Zərdabda dələduzluq etməkdə şübhəli bilinən şəxslər saxlanılıb.

Daxili İşlər Nazirliyi mətbuat xidmətinin Gəncə regional qrupundan Lent.az-a verilən məlumata görə Zərdab rayonu, Dəliquşçu kənd sakini olan fermerə zəng edib onun yanında çoban işləyəcəyini vəd edərək vətəndaşdan dələduzluq yolu ilə 1150 manat pul ələ keçirənlər saxlanılıb.

Gəncə şəhər Baş Polis İdarəsi Kəpəz rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində Cəbrayıl Abbasov, əvəllər məhkum olunmuş Daşkəsən rayon Dəstəfur kənd sakini Elvin Mürsəlov və onun qardaşı Rahib Mürsəlovun əvvəlcədən əlbir olaraq müxtəlif fermerlərlə əlaqə saxlayaraq yanlarında çoban işləyəcəkləri, lakin hazırda işlədiyi fermerə borclu olduqları üçün onlardan müəyyən miqdara pul aldıqları müəyyən edilib.

Həmin şəxslər barəsində Cinayət Məcəlləsinin müvafiq maddəsi işi cinayət işi başlanıb, onların digər şəhər və rayonlarda anoloji cinayət törədib-törətmədiklərini müəyyənləşdirmək üçün istintaq-əməliyyat tədbirləri davam etdirilir.

# 1080
avatar

Mehman Nəbiyev

Oxşar yazılar