At yarışda 15 yaşlı qızı öldürdü

Amerikalı Hanna Serfass Florida ştatında keçirilən atçapma yarışında baş verən bədbəxt hadisə nəticəsində həlak olub.

Lent.az-ın xarici mediaya istinadla xəbərinə görə, hadisə kişik Venis şəhərindəki “Fox Lea Farms” fermasında baş verib. At büdrədiyi an 15 yaşlı atlı heyvandan yıxılıb. Bir neçə dəqiqə sonra at yıxılaraq atlının başı üstünə düşüb.

“Hanna Quaxx 2 ləqəbli 12 yaşlı Holşteyn atının üzərində gedib. Sonra at büdrəyib və yıxılıb. İdmançı dərhal xəstəxanaya çatdırılıb və orada öldüyü məlum olub. Qəza zamanı at xəsarət almayıb”, - məlumatda vurğulanır.

Gənc idmançı atçılıq idmanı ilə yanaşı, gimnastika ilə də məşğul olub. Faciədən sonra ABŞ Atçılıq Federasiyası atçılıq idmanlarında risklərin qarşısını almaq və minimuma endirmək üçün qəzaya diqqətlə yanaşılacağını bildirib.