Ağsuda ölümlə nəticələnən yol qəzası olub.
Lent.az-ın məlumatına görə, hadisə Ağsu - Kürdəmir avtomobil yolunun Ağsu rayonunun Hacısəmədli kəndi ərazisindən keçən hissəsində baş verib.
“Toyota Prius” və “VAZ-2107” markalı avtomobillər toqquşub. Nəticədə “VAZ”ın sürücüsü, 64 yaşlı Mehdiyev Bəbir Şirin oğlu aldığı xəsarətlərdən ölüb. Daha 3 nəfər - 10 yaşlı Həsənli Ceyhun Vüqar oğlu, 37 yaşlı Nağıyev Elmin Ənvər oğlu və 27 yaşlı Kamilov Mirzə Mirvahid oğlu müxtəlif dərəcəli bədən xəsarətləri ilə rayon mərkəzi xəstəxanasına çatdırılıblar.
DİN-in mətbuat xidmətinin Şəki regional qrupundan Lent.az-a bildirilib ki, ölüm və xəsarətlərlə nəticələnən yol-nəqliyyat hadisəsi ilə bağlı rayon polis şöbəsində cinayət işi başlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
